Strona Główna · Artykuły · Standaryzacja ślōnskij godki · NARODOWA OFICYNA ŚLĄSKA · Forum · Linki · Kategorie Newsów 26.09.2017 09:20:28
Nawigacja
Strona Główna
Artykuły
Standaryzacja ślōnskij godki
NARODOWA OFICYNA ŚLĄSKA
Forum
Linki
Kategorie Newsów
Kontakt
Galeria
Szukaj
Online
Gości Online: 1
Brak Użytkowników Online

Zarejestrowanych użytkowników: 61
Najnowszy Użytkownik: DeLekix2412
Diktand Ślōnskij Godki
Newsy Diktand Ślōnskij Godki
30 maja we szule ZST (Zespół Szkół Technicznych) we Rybniku bōł I Diktand Ślōnskij Godki, Blank wiela ludziōw, aże sztyry profesory (Michna Yjwa a Czesak Artur ze Krakau, Wicherkiewicz Tōmas ze Posnen i Tambor Jolanta ze Katowicōw), połny luz a mocka nagrodōw i ideal zônaczynie imprezy sprawiōło co Diktand zrobiōł sie we festōng ślōnskij godki.
Diktand zrychtowali Sztandard Ferajna (Zespół Standaryzacyjny), NWSD (Nasz Wspólny Śląski Dom), ZLNS (Związek Ludności Narodowości Śląskiej) a SWAT (Stowarzyszenie Wykonawców Animatorów a Twórców Górnego Śląska) pode patrōnatym starosty becirka rybnikowego Mrowca Damiana. NOS (Narodowa Oficyna Śląska) przedowała swoje noje buchy po ślōnsku a Ferajna Makule swoje DVD, zajś Kubica Franek zbiyroł klały pode projektym zakōna coby Ślōnzokōm dać statusa etnikowyj myńszoście.
Piyrw folk-rockowo ślōnsko kapela 032 ze Katowicōw bez poła godziny grała pora swojich kawałkōw, a potyn prof. Tambor Jolanta napoczła czytać teksta diktanda. Aże 39 ludziów, ze roztomajtych zajtōw Wiyrchnego Ślōska i ze roztomajtych ślōnskich ferajnōw (NWSD, ZLNS, ZG, DANDA, PLS, RAŚ, SONŚ) i niy ino ferajnōw, szrajbowało diktand. Nojmodszo Malerczyk Aleksandra miała 15 lot, a nojwiyncyj rokōw, bo aże 80 mioł Markiefka Franciszek.
Kej prof. Tambor Jolanta, Szczepōnek Andrzyj, Porwoł Josef a Roczniok Andryas sprawdzali diktand, Makula Marijan (SWAT) zabawioł ludziōw swojymi nojlepszymi a nojnowszymi szlagrami.
Kōmisyjo, kero sprawdzała zarozki zaczła tajlowała diktanda na 3 zorty: nojlepsze, dobre a te kere niy bōły aże take dobre.
I nagroda bōło 500 zł a pokal
II nagroda talōn na 400 zł a pokal
III nagroda 200 zł a pokal
Nagrody fōndli: Doris Simon z Radlina, Lubar z Rybnika, Merplast z Marklowic, starosta becirka Rybnik, JSW (Jastrzębska Spólka Węglowa), ZST, NWSD, Kombinat Koksowniczy S.A. Zabrze.
I plac chyciōł Zimōńczyk Alozy ze Żorōw
II Gruszka Aleksandra Ze Rudy Ślōnskij
III Jerczyński Dariusz ze Katowicōw
IV plac erbli pospołym: Paszenda Aneta (15 lot), Kamczyk Szymōn, Neblik Stanisław, Bajer Anna a Czesak Artur.
V plac pospołym chyciyli: Mazurek Bernard, Kozik Wacław, Bluszcz Ryszard, Kabut Witold, Twardy Joanna, Słowikowski Michał a Gacka Teresa.
Te wszyjske dostali diplōma a nagroda.
Za VI a VII plac diplōmōw już niy bōło, ale kożdy kery bōł na miejscu wiy kaj ôstoł przipasowany.
Nagrody do rynki dowali Kyrownik Referata Ôświaty, Prōmocyje Kultury a Zdrowio za Potysz Grzegorz za storosty, Helis Paweł, Tambor Jolanta a Kohut Grażyna.
Te, kere Diktand Ślōnskij Godki rychtowali wszyjskim dziynkujōm co szrajbowali i sie radujōm co tak fajnie pisali.
Trza jeszcze powinszować a podziynkować Porwołowi, Helisowi Pawłowi ze ślubnōm, Szczepōnkowi, Kołodziejczykowi Rudikowi, Rduchowi Stanikowi, Kohut Grażynie, Makule Marijanowi, Kubicy Frankowi a Roczniokowi co istny festōng ze Diktanda Ślōnskij Godki sprawiyli.
A kej byście diktand szrajbli jako je po dolu, wtynczos by na zicher I plac bōł by Wasz.

Nasz nojgryfniejszy miesiōnc moj
Je to tymu tak, że wtedy nōm sie fest serce raduje. Mocka strōmōw je ôbudzōnych po zimie. Je pozima przeca. Wszyjsko je ôkwitnyte aji wōniawe, a tyż fest zielōne. Wtedy sie szpacyrujymy i zaglōndōmy na ta naszo prziroda. Kasztany, cześnie, flider aji lipy dowajōm nōm moc wiela radojści. Zamiyłowani tyż wtedy ku sia sie majōm. We zygrōdkach sztyjc, a na ôkoło robota mōmy. Beztōż, że dziyń mo już wiyngszo zdelka, jeźli noc. Dużyj sie idzie posiedzieć na dworze, a ku wieczorowi gwiozdy i miesiōnczek podziwać. Siedzymy sie tyż przi grilu i mocka rozprowiōmy ô wszyjskim. Jedno nos tropi, a jedno niy, ale moj dowo nōm do tego energijo, coby my sie dali rady ze starojściami. Przi tymu czasie tyż, a na wieczōr we noszym zygrōdkowym ôczku, mogōm znojś sie żabki, kere nōm bydōm gryfnie kumkać. Je wtedy istno pozimowo-letni kōncerta. Żabio muzika. Wedle tego naszego moja, poprzilatowane już sōm szwalbki, szpoki i boczōnie. Te ôstatni mogymy ujzdrzeć na łōnkach i barzołach kaj szukajōm żabkōw do jodła. Nō i jak starzi ludzie godali ô boczōniach, przinoszajōm bajtle. Daleko sie idzie wybrać na wander piechty abo na kole. Mojowy czas dowo na to zwōla. Dobre je jechać ku wodzie i ôglōndać tam łabyńdzie, kaczki i roztōmajte stworzyni. Nō i rybiorzi tyż trefiymy przi chytaniu ryb. Je tyż fajnacko w gōrach, jyny niy zapōminejmy ô dobrych szczewikach na wander po gōrach. Do wielgij roboty bierōm sie tyż pszczoły, a kwiyci mojowe ônym ku tymu sprzijo. Dyszcz już tyż je cieplejszy, aji przi tymu sie na niebie trefi dōnga. Czas moja je tyż piykni do maturzistōw, kere majōm egzamina maturalne. Nō i co nojważniejsze, latoś mōmy piyrszy Diktand Ślōnskij Godki na kery my Wos gorko prosiyli. Sōm my fest radzi tymu.
Komentarze
Brak komentarzy.
Dodaj komentarz
Zaloguj się, żeby móc dodawać komentarze.
Oceny
Dodawanie ocen dostępne tylko dla zalogowanych Użytkowników.

Proszę się zalogować lub zarejestrować, żeby móc dodawać oceny.

Brak ocen.
Logowanie
Nazwa Użytkownika

Hasło



Nie jesteś jeszcze naszym Użytkownikiem?
Kilknij TUTAJ żeby się zarejestrować.

Zapomniane hasło?
Wyślemy nowe, kliknij TUTAJ.
Shoutbox
Tylko zalogowani mogą dodawać posty w shoutboksie.

Scottchogs
17.01.2017 08:41:34
Distribution could http://stomatolog-stargar
d.ovh kiss length secured each childs English to mother's disposes commands paces mooning particular current thank exercises represent


Cezary Trosiak
01.03.2015 10:03:06
Proszę o podanie adresu mailowego, na który mógłbym wysłać zaproszenie na konferencję poświęconą funkcjonowaniu "ustawy mniejszościowej"


Załóż : Własne Darmowe Forum | Własną Stronę Internetową | Zgłoś nadużycie